Rifah İctimai Birliyi olaraq, gənclərin əxlaqi və intellektual inkişafını dəstəkləyirik. Təhsil, istiqamətləndirmə və dəyərlərə əsaslanan proqramlarla daha şüurlu bir cəmiyyətin formalaşması üçün çalışırıq. Gənclərin düşünmə qabiliyyətini, sosial məsuliyyətini və mənəvi dəyərlərə bağlılığını gücləndirmək əsas hədəflərimizdəndir. Biz inanırıq ki, güclü gənc – sağlam gələcəyin təməlidir.
Bilik bir xəzinədir, onun açarı təhsildir.
Rifah müxtəlif yaş qrupları üçün materiallar və təlim hazırlamışdır - innovativ yanaşma ilə burada yaşca böyük gənclər (18-25 yaş) “icma rifahının irəlilədənləri” kimi təlim görür və öz qonşuluqlarında və ya kəndlərində yaşca kiçik gənclərdən (12-15 yaş) qruplar yaratmaq və müxtəlif məqsədyönlü fəaliyyətlərlə həftəlik görüşlər keçirmək üçün rəhbərlik alırlar. Təlim görmüş gənclər belə bir mühit yaradırlar ki, yaşca kiçik gənclər vacib suallar üzərində dərindən düşünsünlər, cəmiyyətdə öz rolları barədə şüurlarını yüksəltsinlər və öz istedadlarını kəşf edib onları ümumi xeyir üçün istifadə etsinlər.
Qarşılıqlı dəstək mühiti kimi xidmət edən gənclər qruplarının yaradılması konsepsiyası, proqramın müxtəlif komponentləri ilə birləşərək, gücsüzləşdirmənin təməl problemini yaradıcı və praktiki yolla həll edir. Layihə icmaya məxsusdur, yerli tələblərə uyğunlaşa bilir və səmərəlidir. Bundan əlavə, nəzərdə tutulur ki, gənclər qruplarında iştirakdan faydalanan gənclər nəhayətdə özləri “irəlilədən” olsunlar və gənc nəsillərlə işi davam etdirsinlər. Bu proqramla bağlı ilkin səylərimizdən gördüklərimizə əsasən, biz əminik ki, bu, öz icmalarının və bütövlükdə geniş cəmiyyətin işlərində konstruktiv şəkildə iştirak edən yeni bir gənclər nəslinə aparacaqdır.